Tuesday , February 27 2024
Motorcycles

Bata isinasama sa pagnanakaw
MAG-ASAWA TINUTUGIS SA ‘MOTORNAPPING’

KASALUKUYANG pinaghahanap ng mga awtoridad ang isang babae at isang lalaki na may kasamang bata nang tangayin ang motorsiklo ng isang residente sa bayan ng Sta. Maria, sa lalawigan ng Bulacan, nitong Linggo, 4 Disyembre.

Kinilala ang may-ari ng ninakaw na motorsiklong si Degie Gisalan, residente sa Sitio Pisang, Brgy. San Jose Patag, sa naturang bayan.

Naganap ang pagnanakaw dakong 2:00 pm kamakalawa sa harap ng SMAXS Sta. Maria habang nakaparada sa harap ng establisimiyento ang motorsiklo ng biktima.

Nakunan ng CCTV camera ang insidente, bago ang pagtangay ay nagpaikot-ikot muna sa lugar ang isang motorsiklong Suzuki  Skydrive na minamaneho ng isang lalaking naka-shorts at may malaking tattoo sa paa habang nakaangkas ang isang babaeng nakasuot ng pantulog at nakaangkas sa harapan ang isang bata.

Saglit pa ay bumaba ang babae at nilapitan ang nakaparadang motorsiklong Honda Click 125i sa parking lot ng establisimiyento, kinuha ang susi, sinakyan ito saka pinaandar at tumakas na naka-convoy sa motorsiklo ng lalaking kasama na may dalang bata.

Nabatid na ang mga suspek ay mag-asawang notoryus sa carnapping ng motorsiklo at upang hindi mahalata ang kanilang modus ay nagbibihis nang simple at dinadala ang anak sa ilegal na gawain.

Kasalukuyan nang nagsasagawa ng imbestigasyon ang mga tauhan ng Sta. Maria MPS upang matukoy ang pagkakakilanlan ng mag-asawang suspek. (MICKA BAUTISTA)

About Micka Bautista

Check Also

Sa DigiPlus maging responsableng gamer, puwede

Sa DigiPlus
MAGING RESPONSABLENG GAMER, PUWEDE

PINAIIGTING ng DigiPlus Interactive Corp. (DigiPlus), operator ng mga nangungunang digital platform gaya ng BingoPlus, …

Vape Smoke

Vape company ipinasasara ng Kamara

NANAWAGAN ang Kamara de Representantes sa Securities and Exchange Commission (SEC),  sa Department of Trade …

Valenzuela city magtatayo ng command center Nagbigay pa ng 2 swat van

Nagbigay pa ng 2 swat van
Valenzuela City magtatayo ng command center 

BILANG bahagi ng pagdiriwang ng ika-26th Charter Day ng Valenzuela, pinangunahan ni Mayor WES Gatchalian ang …

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Kelot kinalawit sa pag-iingat ng baril 10 pa law violators dinakma

Kelot kinalawit sa pag-iingat ng baril; 10 pa law violators dinakma

ISANG lalaki na nag-iingat ng iligal at hindi lisensiyadong baril ang inaresto ng pulisya kabilang …