Lalaking inaresto sa buybust nanlaban patay

TODAS angisang 31-anyos lalaki nang manlaban, magtangkang manaksak, at mang-agaw ng baril ng pulis, sa isinagawang buybust operation sa Pasig City, noong Linggo.

Sinabing ang biktima ay namatay dahil sa hypovolemic shock o sa rami ng dugong tumapon sa katawan dahil sa isang tama ng bala sa hita.

Isang operatiba ng pulisya ang nasugatan sa braso, tuhod at paa.

Batay sa ulat ng Pasig City Police Station, nagsagawa sila ng motu propio investigation upang matukoy ang tunay na pangyayari.

Ang nasabing insidente ay nakunan ng netizen at nag-viral sa social media, kung saan hindi sumusunod ang suspek sa utos na dumapa at sa halip ay maangas na nakikipagsagutan nang malapitan sa isang pulis.

Inatake rin ng suspek ang pulis at tinangkang saksakin ng balisong at agawan ng baril.

Sa inilabas na pahayag ni Pasig Police chief, PCol. Hendrix Mangaldan, sinibak na niya sa puwesto ang mga sangkot na operatiba at maging ang commander ng San Joaquin Police Sub-Station.

Paliwanag ni Mangaldan, ang lahat ng operasyon ay alinsunod na police operational procedures at iba pang polisiya at alituntunin at pinaalalahanan na magpakita ng professionalism at accountability.