Robi daddy na, ‘newest housemate’ tawag sa anak 

MA at PA
ni Rommel Placente

ISA nang ganap na tatay ang Kapamilya TV host na si Robi Domingo matapos isilang ng misis niyang si Maiqui Pineda ang panganay na anak nila.

Ibinandera ni Robi ang good news sa madlang pipol sa pamamagitan ng Instagram noong June 1, Lunes.

Sa kanyang FB post, tinawag niya ang first baby nila ni Maiqui ng “newest housemate.”

Mapapanood sa short video na ibinahagi ng award-winning TV host si Maiqui na karga-karga ang kanilang baby habang tumutugtog ang theme song ng Pinoy Big Brother.

Bumuhos ang pagbati sa mag-asawa mula sa mga netizen at mga kapwa nila celebrities.

Mensahe ng Kapuso star na si Gabbi Garcia at co-host ni Robi sa PBB, “Congratulations, you guys!!!”

Pagbati naman ni Lea Salonga, “Waaaaaaah! Congratulations, you guys!!!”

Sey ni Kim Chiu, “Congratulations robi and maiqs!”

Komento ni Maja Salvador, “Congratulations Mommaa @maiqweeks and Daddy @iamrobidomingo.”

January 2026 nang ihayag nina Robi at Maiqui sa publiko na magiging mommy at daddy na sila sa pamamagitan din ng social media.

Ngayong may baby na si Robi, tiyak mas lalo siyang gaganahang magtrabaho.

Congratulations Robi and Maiqui.