HATAW! D'yaryo ng Bayan hatawtabloid.com
MULING nakasamsam ng P6.8 milyong halaga ng shabu mula sa isang lalaking menor de edad ang mga anti-narcotics agents sa panibagong entrapment operation sa bayan ng Bongao sa Tawi-Tawi nitong Lunes, 1 Hunyo.
Ang naturang entrapment operation ng mga agents ng Philippine Drug Enforcement Agency-Bangsamoro Autonomous Region in Muslim Mindanao (BARMM) ay kasunod ng kanilang pagkakakompiska sa isang kilong shabu, nagkakahalaga ng P6.8 milyon, mula sa isang tricycle driver, kinilalang si Jaylani Talib Amin, na kanilang na-entrap sa isang lugar sa Bongao rin nitong Linggo, 31 Mayo.
Sa ulat nitong Martes ng local executives sa Bongao at ni Tawi-Tawi Gov. Ysmael Sali, tumulong sa pagkakasa ng entrapment operation nitong Lunes, nakadetine na ang 13-anyos suspek, na hindi pinangalanan dahil menor de edad, nakunan ng PDEA-BARMM agents ng isang kilong shabu sa isang entrapment nitong Lunes sa Barangay Simandaguit sa Bongao, ang kabisera ng Tawi-Tawi.
Sa pahayag nitong Martes ni Edgar Jubay, regional director ng PDEA-BARMM, agad inaresto ang menor de edad na suspek ng kanilang mga agents, sa pangunguna ni Abraham Solon Kalim at mga operatiba.
