28-M estudyante papasok sa 8 Hunyo 2026 – DepEd

AABOT sa 26 hanggang 28 milyong estudyante ang mag-e-enroll para sa School Year (SY) 2026–2027.

                Ito ang pagtataya ng Department of Education (DepEd).

Inihayag ito ni DepEd Assistant Secretary Jocelyn Andaya kasunod nang nalalapit na pagbubukas ng klase sa susunod na Lunes, 8 Hunyo.

Tiniyak ni Andaya na mayroon silang sapat na bilang ng mga teaching at non-teaching personnel para sa mga estudyante na mag-e-enroll sa public elementary at secondary schools.

Samantala, sinabi ni Andaya na nananatili pa rin ang classroom backlog ng DepEd sa 136,000.

Inaasahang matatapos ng Department of Public Works and Highways (DPWH) ang mahigit 9,000 silid-aralan ngayong taon, kabilang dito ang mga bagong proyekto at mga naiwang backlog sa nakaraang taon.

Sa datos ng DepEd para sa SY 2025-2026, ang classroom-to-student ratio ay nasa 1:32 para sa elementarya, 1:39 sa junior high school, at 1:36 sa senior high school. (HNT)