TILA walang planong magpakabog ang Team BBM-Sara sa Team Leni-Kiko, dahil pagkaraan lamang ng ilang araw matapos ganapin ang People’s Rally sa Bulacan ay nagbalik muli sina dating Senador Ferdinand Marcos, Jr., at Mayor Sara Duterte sa lalawigan.
Matatandaang ginanap ang proclamation rally ng tambalan at ng buong UniTeam sa Philippine Arena sa bayan ng Sta. Maria, noong 8 Pebrero na dinaluhan ng mga supporters mula sa iba’t ibang lugar sa bansa.
Nagtipon ang mga supporters simula 10:00 am nitong Martes, 8 Marso, sa Guiguinto Municipal Oval sa likod ng Guiguinto Municipal Hall.
Matapos nito ay tumulak ang Team BBM-Sara sa Meycauayan College Annex sa Brgy. Malhacan, Meycauayan kung saan nag-aabang ang iba pang supporters na nakasuot ng pula at berdeng T-shirts.
Kasunod nito, nagsagawa ang grupo ng isang motorcade papuntang Sta. Maria, Bulacan para sa isang rally ang isinagawa sa isang open space sa Bypass Road, sa dating puwesto ng Night Market sa Brgy. Sta. Clara.
Ang Bulacan ay nasa Top 5 vote-rich province sa bansa kaya mararamdaman ang todo-todong panunuyo ng mga kumakandidato sa mga botante ng lalawigan. (MICKA BAUTISTA)
