NASURING positibo sa SARS-COV-2 ang hindi bababa sa 34 medical staff ng COVID-19 facility sa lalawigan ng Bulacan.
Inihayag ni Dr. Hijordis Marushka Celis, director ng Bulacan Medical Center at vice chair ng Bulacan CoVid-19 Task Force, ang mga pasyente ay kabilang sa Bulacan Infection Control Center at Bulacan Medical Center.
Dagdag ni Celis, maaari pang madagdagan ang bilang ng healthcare workers na nahawaan ng virus dahil may mga doktor, nurse, at mga manggagawa sa ospital na nasuring positibo rin sa CoVid-19.
Aniya, ang isolation period para sa mga healthcare workers ay pinaikli sa pitong araw samantala ang kanilang close contacts ay sinabihan na i-isolate nang limang araw. (MICKA BAUTISTA)
