ARESTADO ang limang indibidwal na huli sa aktong humihithit ng hinihinalang marijuana nang salakayin ng mga ahente ng Philippine Drug Enforcement Agency (PDEA) ang isang makeshift drug den sa Brgy. Calapacuan, Subic, Zambales, nitong Sabado, 12 Abril.
Ayon sa PDEA Zambales Provincial Officer, sinalakay nila ang pinaniniwalaang drug den dakong 3:34 ng madaling araw kamakalawa kung saan nila nasakote ang target ng operasyon na kinilalang si alyas Drey, 34 anyos.
Nadakip din sa operasyon ang apat pang mga suspek na kinilalang sina alyas Ar-Ar, 43 anyos; alyas Ney, 35 anyos; alyas Tonio, 25 anyos; at alyas Kel, 29 anyos.
Nakumpiska sa mga suspek ang anim na plastic sachet ng hinihinalang shabu na may bigat na 10 gramo at tinatayang nagkakahalaga ng P68,000; iba’t ibang drug paraphernalia, at buybust money.
Kasama ng PDEA sa operasyon ang mga operatiba ng Subic Police Station, Zambales PPO Drug Enforcement Unit, at Naval Intelligence Security Group-Northern Luzon (AFP).
Inihahanda na ang mga kasong paglabag sa RA 9165 o Comprehensive Dangerous Drugs Act of 2002 na isasampa laban sa mga suspek. (MICKA BAUTISTA)
