Saturday , May 28 2022
Alex Lopez Mel Lopez

Pati amang dating alkalde idinamay
Fake news pakalat ng kalaban — Lopez

AMINADO si Manila mayoralty candidate, Atty. Alex Lopez, kinakbahan ang kanyang mabigat na katungali kaya’t kung ano-anong fake news na lamang ang ipinagkakalat at pati mga patay ay dinadamay pa sa kampanya at nalalapit na halalan.

Ayon kay Lopez, isa sa ipinakalat ng kanyang kalaban, itinakbo siya sa ospital gayong malakas pa siya sa kalabaw.

Bukod dito, inakusahan din siyang ‘marites’ ng kanyang kalaban gayong ang sinasabi lamang niya ay katotohanan batay sa reklamo ng ilang Manileño at mga ebedensiyng hawak nila.

Ikinagulat ni Lopez ang pag-uugnay sa pangalan ng kanyang ama ukol sa pagkakabenta ng patrimonial land na Divisoria mall gayong wala namang kinalaman at ang iba pang alkalde ng lungsod lalo ang namayapang si dating Mayor Alfredo Lim sa naganap na bentahan.

Dahil dito iginiit ni Lopez, noong panahon ng kanyang ama ay walang ibinenta, kahit isang ari-arian ng lungsod ng Maynila.

Binigyang-diin ni Lopez, kapakanan ng mga taga-Maynila ang nasa isip ng kaniyang ama noong panahon ng kanyang adminitrasyon.

Bukod dito, sinabi ni Lopez, ikinagugulat niya ang mga akusasyon ng kanyang katunggali gayong noong panahon ng kanyang ama ay nagsisiksihan sila sa kanilang grupo maging nang tumakbo ang kanyang ama at natalo.

Muling tinukoy ni Lopez, kung talagang may ginawang masama sa Maynila ang kanyang ama ay bakit pinangunahan ng kanyang mga katunggali ang pagpapasinaya sa Mel Lopez Blvd., na kailanman ay hindi hiningi ng kanilang pamilya sa pamahalaang lungsod ng Maynila.

Iginiit ni Lopez, pawang alibi at palusot ang ginagawa ng kanyang katunggali at ayaw tanggapin ang katotohanan na ibenenta nila ang isang patrimonial land nang hindi dumaan sa tamang proseso at hindi man lamang nakonsulta nang tama ang stakeholders.

(NIÑO ACLAN)

About Niño Aclan

Check Also

Bongbong Marcos Sara Duterte Proclamation

Marcos – Duterte tandem iprinoklama na NBoC sa Kamara

ni Gerry Baldo Iprinoklama ng National Board of Canvassers ngayong hapon ang tandem nila Bong …

Jomari Yllana, Abby Viduya, Priscilla Almeda

Abby masaya sa pagwawagi ni Jomari

MATABILni John Fontanilla MASAYANG-MASAYA si Abby Viduya sa pagkapanalo ni Jomari Yllana bilang councilor ng District 1 ng  Parañaque. …

Vice Ganda

Nasaan na nga ba si Vice Ganda?

HEY! Hey! Hey! What happened na sa mga artistang sumampa sa entablado with matching grand …

Mercraft 2 RORO fire Real Quezon

Sa Real, Quezon
7 PATAY, 23 SUGATAN SA NASUNOG NA RORO

PITONG pasahero ang namatay habang 23 ang sugatan nang masunog ang Mercraft 2, isang roll-on-roll-off …

Senate Congress Comelec Election Certificates of Canvass

NBoC panel sa senado kompleto na

BUO na ang hanay ng mga senador para sa pitong-miyembrong panel ng bicameral National Board …