Friday , July 19 2024
fire sunog bombero

Sunog sumiklab
50 KABAHAYAN NATUPOK SA STA. MARIA, BULACAN

NAABO ang halos 50 kabahayan sa bayan ng Sta.Maria, sa lalawigan ng Bulacan, matapos sumiklab ang malaking sunog, nitong Miyerkoles ng hapon, 19 Enero.

Naganap ang insidente ng sunog sa Sitio Tabing Ilog Villarica, Brgy.  Poblacion, sa naturang bayan.

Sa panimulang imbestigasyon ng mga tauhan ng Sta. Maria Bureau of Fire Protection at batay sa pahayag ng ilang testigo, nagsimula ang sunog sa isang bahay kung saan may mga batang naglalaro ng apoy at biglang nasilaban ang nakatabing na kurtina.

Naitalang nagsimula ang sunog dakong -3:00 pm, na mabilis na kumalat sa mga katabing bahay dahil sa malakas na bugso ng hangin.

Nagtulong-tulong ang mga bombero mula sa mga kalapit na bayan hanggang ganap na maapula ang apoy bago mag-7:00 pm.

Sa taya ng local government unit, may 67 pamilya ang naging biktima ng sunog  o kabuuang 300 residente na ngayon ay pansamantalang nanunuluyan sa mga itinayong tent.

Kasalukuyan pang inaalaman ng Sta. Maria Bureau of Fire Protection ang halaga ng naging pinsala sa naturang sunog. (MICKA BAUTISTA)

About Micka Bautista

Check Also

Collectors Con Year 2 Funkos The Block Atrium SM North EDSA

Collectors Assemble: Collectors Con Year 2 brings Exclusive Drops, Limited-editions and Supersized Funkos

Promising the ultimate collector’s adventure in the North, Collectors Con is back at The Block …

CPP PNP NPA

Miyembro ng CPP-NPA boluntaryong sumuko sa Bulacan police

ISANG miyembro ng Communist Party of the Philippines-New People’s Army (CPP-NPA) ang boluntaryong sumuko sa …

SSS Cellphone

SSS nagbabala sa miyembro at publiko sa mga pekeng alerto sa text

BINALAAN ng Social Security System (SSS) ang mga miyembro nito at ang publiko na maging …

Arrest Posas Handcuff

  Kawatan sa coffee shop, timbog

DAHIL sa mabilis na pagresponde ng mga awtoridad ay kaagad naaresto ang isang lalaki na …

071824 Hataw Frontpage

Sa Bamban, Tarlac at Porac, Pampanga
POGO ‘TORTURE DEN’ VIDEO FOOTAGES INILABAS SA PAGDINIG NG KAMARA

HABANG mainit ang galit ng mga mamamayan sa mga natuklasang ilegal na Philippine Offshore Gaming …