Source code sa 2016 automated polls may host na — Comelec

INIANUNSIYO ng Comelec na pumayag na ang De La Salle University na mag-host ng review sa source code ng voting machines sa 2016 elections.

Ang source code ay koleksiyon ng computer instructions na ginagamitan ng human-readable computer language para ma-evaluate bago gamitin sa halalan.

Ito ang itinuturing na master blueprint ng automated election system sa susunod na taon.

Ayon kay Comelec Chairman Andres Bautista, ang unang bahagi ng source code review ay gagawin sa Oktubre 1, 2015.

Inaasahang tatagal ang buong proseso ng pitong buwan na eksakto sa panahon ng halalan.