Friday , September 30 2022

Matino at mahusay na pamumuhay, magpapaunlad sa Filipinas—Alunan

HINDI ikinahihiya ni dating Secretary of Interior and Local Government Rafael “Raffy” Alunan III kung tawagin siyang ‘bubot’ sa desisyon na pasukin ang mundo ng politika.

“Delikado at komplikado ang pumasok sa politika, lalo na sa mga katulad kong bagito, na alam ko napakahirap manalo sa larangang ito,” paliwanag ni Alunan matapos isumite ang kanyang certificate of candidacy (COC) para sa Senado.

Iginiit ng dating miyembro ng Gabinete nina dating Pangulong Cory Aquino at Fidel Ramos na ang kinabukasan ng mga kabataan at kabutihan ng buhay ng mahihirap ang nagtulak sa kanya upang pasukin ang bagong pakikipagsapalaran sa kanyang buhay.

“Sa edad kong ito, hindi na ako puwedeng mag-relax at magsawalang-kibo dahil alam ko na ang kinabukasan ng ating mga kabataan ay nakasalalay sa tamang pamamahala,” diin ni Alunan.

“Ang kahirapan ang pinakamalaking hamon. Lumaki nang halos 90 porsiyento ang mahirap at ang pinakamahirap. Halos 10 porsiyento lamang ang nabubuhay nang komportable at marangya.”

Para kay Alunan, magsisimula ang kaunlaran ng sambayanan kung matututo ang bawat Filipino na pahalagahan ang bansa at  ang ating kapwa.

“Mahalin natin si Inang Laya at ang kapwa natin Filipino. Dito lamang dapat magsimula ito. Walang mangyayari kung hindi tayo magkakabuklod-buklod tungkol sa paniniwalang ito,” dagdag ni Alunan.

“Maging matino at mahusay. Gawin lamang ang tama. Nararapat lamang na ibalik natin ang ating integridad at kahusayan sa pagbibigay nang maayos na serbisyo sa publiko at maging sa ating lipunan.”

Matagal na rin ipinaglalaban ni Alunan ang kahalagahan ng pagkakaisa kaya nakita niya ang pagsasamantala sa atin ng ibang bansa partikular na ang China na sinasakop ang mga islang nakapaloob sa ating exclusive economic zone (EEZ).

“Unti-unting nawawala sa ating mga kamay si Inang Laya kaya dapat tayong lumaban para bawiin siya. Mahal ko ang aking bayan,” dagdag ni Alunan.

“Para kay Inang Laya at sa mamamayang Filipino, ako’y handang makipagsapalaran. Sa tulong ninyo at ating pagkakaisa, walang imposible – kakayanin natin ito.”

About Hataw

Check Also

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

shabu

3 tulak sa Gapo nasabat
MAHIGIT P1-M HALAGA NG SHABU, NAKUMPISKA

 MAHIGIT  P1-M halaga ng iligal na droga ang nakumpiska ng mga awtoridad habang tatlong tulak …

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Leave a Reply