Friday , September 30 2022

Tolentino inasunto sa malaswang show

KINASUHAN ng grupo ng mga kababaihan sa Office of the Ombudsman si Metropolitan Manila Development Authority (MMDA) Chairman Francis Tolentino kaugnay sa kontrobersyal na pagsayaw ng Play Girls sa event ng Liberal Party (LP) sa kaarawan ni Laguna Rep. Benjie Agarao.

Pinangunahan ng party-list group na Gabriela ang paghahain ng reklamong paglabag sa Code of Conduct and Ethical Standards for Public Officials and Employees at Magna Carta for Women.

Sinasabi sa complaint, nilabag ni Tolentino ang tungkulin ng isang public official nang pagsayawin nang mahalay na dance number ang grupong Play Girls

Bukod sa party-list organization, nakiisa rin ang 12 iba pang labor groups sa naturang reklamo.

Naniniwala ang mga naghain ng reklamo na lumakas ang kanilang kaso nang aminin ni Tolentino ang kasalanan makaraan mag-sorry at kumalas kahapon sa Liberal Party (LP).

Ngunit sa panig ng Play Girls, hindi malaswa ang kanilang sayaw at lalong hindi nalabag ang kanilang mga karapatan bilang babae dahil lamang sa nasabing dance number.

Bilang LP member nag-sorry sa twerk show

KUSANG kumalas si MMDA Chairman Francis Tolentino sa senatorial line-up ng Liberal Party (LP) para sa 2016 elections.

Ito ay kasunod ng kontrobersiya sa birthday party ni Laguna Rep. Benjie Agarao na sumayaw ang sexy dance group na Play Girls na sinasabing malaswa.

Mismong si Tolentino ang humiling sa Liberal Party na huwag na siyang isama sa senatorial slate.

Kasabay nito, nag-sorry rin si Tolentino na hindi niya ipinatigil ang pagsayaw ng Playgirls.

“Ipinaalam ko sa Partido Liberal na alisin na ang pangalan ko sa ikino-consider nilang line-up sa pagka-senador sa 2016,” ani Tolentino. “Kung na-offend ko po ang grupo ng kababaihan, humihingi ako ulit ng paumanhin.”

Si Tolentino ang itinuturong nagdala ng Play Girls sa birthday party ni Rep. Agarao na sinabayan ng panunumpa ng mga bagong miyembro ng LP, bilang regalo sa mambabatas.

Bagama’t noong una ay todo-tanggi pa si Tolentino na siya ang kumuha sa Play Girls.

Nabatid na kinuyog ng mga kritiko si Tolentino at sinampahan ng kaso ng ilang labor groups kaugnay ng kontrobersiya.

MMDA Chair nagbitiw na

NAGBITIW na bilang chairman ng Metropolitan Manila Development Authority (MMDA) si Francis Tolentino.

Dakong hapon kahapon ay nagpaalam si Tolentino sa mga kasamahan sa MMDA.

Ito ay sa gitna ng kontrobersiya sa malaswang pagsayaw ng sexy dance group na Play Girls sa birthday party ni Laguna Rep. Benjie Agarao, at sa inaasahang pagkandidato ni Tolentino sa pagka-senador sa 2016 elections.

Si Tolentino ang itinuturong nagdala ng Play Girls bilang regalo kay Agarao.

Ayon kay Tolentino, tatakbo siya sa mas mataas na posisyon sa darating na halalan.

Bagama’t sa ngayon ay hindi pa sinasabi ni Tolentino kung anong partido ang kanyang sasamahan sa 2016.

Si Tolentino ay higit limang taon nanilbihan bilang MMDA chairman.

Nangyari kay Tolentino magsilbing aral — Palasyo

MAGSILBI sanang aral sa mga politiko ang isyung kinasangkutan ni MMDA Chairman Francis Tolentino sa Playgirls na tratuhin nang may dignidad ang lahat, kasama na ang kababaihan.

Ito ang paalala ng Palasyo makaraan ihayag ni Tolentino kahapon ang pagkalas niya sa senatorial slate ng Liberal Party.

“We welcome the statement of Chairman Francis Tolentino. It is a recognition of valid concerns of the women’s sector and, moving forward, it is also a reminder to all those who are participating in the political process of the need to be always be mindful of how we treat our — the dignity of everyone including the womenfolk,” ayon kay Presidential Spokesman Edwin Lacierda.

Nanawagan si Lacierda sa publiko na huwag husgahan ang pagkatao ni Tolentino dahil sa isyu ng Play Girls dahil marami siyang nagawa bilang MMDA chairman.

Habang itinuturing ni Pangulong Benigno Aquino III ang pagkalas ni Tolentino sa LP senatorial slate bilang isang ‘sakripisyo’ para hindi na magamit ang isyu ng Play Girls laban sa administration party at ang debate ay tumuon na lamang sa pagpapatuloy ng “Daang Matuwid” at ang aniya’y benepisyong idinulot sa kanyang mga “Boss.”

”Francis is a firm advocate of Daang Matuwid. He knows that, at present, those who oppose meaningful reform will want to exploit the incident. I believe that Chairman Tolentino is doing his part to ensure that public debate truly focuses on the continuation of Daang Matuwid and the undeniable benefits it has brought to our Bosses. It is also my belief that he will take the opportunity to further reflect on how he can better affect positive change in the future.,” anang Pangulo sa kanyang kalatas.

About Hataw

Check Also

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

shabu

3 tulak sa Gapo nasabat
MAHIGIT P1-M HALAGA NG SHABU, NAKUMPISKA

 MAHIGIT  P1-M halaga ng iligal na droga ang nakumpiska ng mga awtoridad habang tatlong tulak …

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Leave a Reply