Grade 5 pupil nakoryente sa naka-charge na cellphone

NAGA CITY – Hindi na umabot nang buhay sa ospital ang isang menor de edad makaraang makoryente dahil sa paggamit ng kanyang naka-charge na cellphone sa Sitio Matan, Brgy. Gaongan, Sipocot, Camarines Sur kamakalawa.

Kinilala ang biktimang si Judy Ajero, 14-anyos at Grade 5 pupil.

Napag-alaman, aksidenteng naidikit ng biktima sa kanyang mukha ang kable ng charger at nakoryente dahil sira na ito.

Agad itinakbo sa ospital ang biktima ngunit idineklarang dead on arrival ng mga doktor.