Utol ni CGMA pumanaw na

PUMANAW na ang half-brother ni dating Pangulong Gloria Macapagal-Arroyo na si Arturo dela Rosa Macapagal.

Ayon sa abogado ni Arroyo na si Larry Gadon, bandang 6:40 a.m. nitong Martes nang bawian ng buhay si Arturo na naka-confine sa Makati Medical Center dahil sa sakit na prostate cancer.

Nitong Lunes, pinayagan si Congresswoman Arroyo na makabisita sa kapatid sa ospital nito sanang Martes ng hapon.

Kaugnay nito, hihilingin ng kampo ni Arroyo na ilipat ang venue ng furlough sa Heritage Park mula sa Makati Medical Center.

Si Arturo ay panganay sa dalawang anak ni dating Pangulong Diosdado Macapagal sa unang asawa na si Purita dela Rosa. 

Half-siblings nina Arturo at Cielo Macapagal si CGMA at kapatid na si Buboy Diosdado Jr., na ang ina ay si dating First Lady Evangelina Macapagal.