Habagat magpapaulan sa Visayas, MIMAROPA

PATULOY na uulanin ang ilang bahagi ng bansa sa kabila ng paglabas ng Bagyong ‘Hanna’ sa Philippine Area of Responsiblity (PAR).

Ayon sa PAGASA, makararanas ngayong Linggo nang paminsan-minsang pag-ulan ang Visayas at MIMAROPA, kasama na ang Zambales at Bataan bunsod ng southwest monsoon o Habagat.

Samantala, iiral sa Metro Manila at natitirang bahagi ng Luzon ng bahagyang maulap hanggang sa maulap na papawirin, na may pulo-pulong pagkulog at pagkidlat lalo na sa dakong hapon at gabi.

Nakataas ang gale warning sa seaboard ng Hilagang Luzon at eastern seaboard ng Timog at Gitnang Luzon.

Ayon kay PAGASA weather forecaster Shelly Ignacio, mayroong binabantayang sama ng panahon sa labas ng PAR bagama’t hindi ito inaasahang papasok sa bansa.