HATAW! D'yaryo ng Bayan hatawtabloid.com
AMINADO si Rayver Cruz na sobrang naka-relate siya sa karakter na ginagampanan niya sa pelikulang Sinagtala. Kasama ni Rayver sa pelikula sina Rhian Ramos, Arci Munoz, Matt Lozano, at Glaiza De Castro. Handog ito ng Sinagtala Productions at mapapanood simula Abril 2 sa mga sinehan.
Bibigyan buhay ng pelikula ang paglalakbay ng isang banda sa kinabibilangan nina Rayver, Rhian, Arci, Matt, at Glaiza na mga musikero na ang buhay ay magkakaugnay. Ito ay idinirehe ni Mike Sandejas.
Ginagampanan ni Rayver ang karakter ni Regie na gustong maabot ang pangarap. At tulad ni Regie, inaabot pa rin ni Rayver ang kanyang pangarap.
“Hangggang ngayon naman kasi I’m constantly still chasing my dream. Si Regie ganoon din siya kaya nga siya sumali sa banda, ang Sinagtala. Kasi roon siya magaling, doon siya komportable kapag kasama niya ang mga bandmate niya na parang pamilya na niya.
“Pero outside the entablado kapag wala na siya o hindi na tumutogtog malalim ang pinagdaraanan niya with his daughter, sa nangyayari sa buhay niya.
“For me iyon siguro. Ako kasi specially this year sobrang into music ako and music talaga ang nagpapasaya sa akin. Like noong 2024 and 2025 specially nahihilig ako sa paggigitara,” ani Rayver nang matanong kung hanggan ngayon ba ay hinahabol o inaabot pa rin niya ang kanyang pangarap.
Sinabi pa ni Rayver na sobrang saya niya nang kunin siya sa pelikulang Sinagtala. “Kaya noong kinuha ako ni direk Mike talagang sobrang saya ko and feel ko talaga na hindi kami nagsu-shooting sa ibang eksena.
“Parang talagang ang tawag nga namin sa bawat isa, bandmates talaga. Hindi man kami nagkita noong Holiday Seasons pero kapag nagkikita kami, ‘hey bandmate’ ganoon talaga, ang saya thank you,” susog pa ni Rayver.
Sa kabilang banda, naniniwala si direk Mike na malakas ang magiging hatak ng Sinagtala sa manonood dahil aniya, “Unang-una with all star cast, these kids are really popular. Number two hindi siya musical na parang Broadway, they’re bonding with their music. It’s a drama, it talks about life, something relatable.
“But as far as commercial elements is concern we have this five. Sa Instagram followers na lang ng limang ito ilang milyon na. Pangalawa ‘yung music namin we have one of the best musical soundtracks in Philippine Cinema history. The music is sexy. And the story itself is something that everyone can relate to. And there are a lot of twist and turns.
“And I think we have all the elements for a good film,” giit pa ni direk Mike.
Nilinaw pa ni direk Mike na hindi musical ang kanilang pelikula kundi istorya ng limang miyembro ng nasa banda. (MValdez)
