HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
NAGPAKATOTOO si Fyang Smith sa paglalahad ng tunay na nararamdaman sa kanyang ka-loveteam na si JM Ibarra nang makorner ang mga ito sa Star Magic Spotlight Presscon kamakailan na ginanap sa Studio One.
Ani Fyang, mahirap itago at pekein ang totoong nararamdaman niya sa kanyang screen partner.
“Actually, sinasabi ko rin ito sa maraming interview ko na mahirap pekein ‘yon. As in.
“Kung pinepeke ko ‘yung sarili ko na kikiligin ako sa kanya, kung pinepeke ko ‘yung sarili ko na nasasaktan ako sa kanya, or kahit anong emosyon na ipakita ko sa movie, ang hirap pekein niyon,” paliwanag ng dalaga.
Giit pa ni Fyang, “Hindi naman ako mahirap kiligin, eh. Mabilis talaga akong kiligin. Super talaga.
“Kung nakikita nila akong kinikilig sa movie, kinikilig din talaga ako (sa totoong buhay).”
Kasalukuyang napapanood sina JM at Fyang sa Kapamilya series na Love is Never Gone na streaming ngayon sa Prime Video. Bida rito sina Joshua Garcia at Ivana Alawi.
