Friday , March 29 2024
mindanao

Basilan payapa na – Hataman at Duterte-Carpio

UMALMA si Deputy Speaker Mujiv Hataman sa tweet ng kilalang media personality na si Raissa Robles na nagbabala sa planong buksan ang turismo sa Mindanao.

Ayon kay Hataman, nais lamang niyang sagutin ang mga pahayag na binitawan ni Robles kamakailan sa Twitter bilang babala o reaksiyon sa plano ng bagong kalihim ng Department of Tourism na buksan ang ilang bahagi ng Mindanao sa turismo.

Aniya, nabanggit ni Robles ang security concern na dala ng Abu Sayyaf Group (ASG) at pati na rin ang ating lalawigan sa Basilan.

“Gusto ko lang linawin: “Wala nang pangil ang ASG sa Basilan,” ani Hataman naging gobernador ng dating Autonomous Region in Muslim Mindanao.

Ang kapayapaan sa Mindanao ay bunga ng maraming taon na pakikipagtulungan ng security forces, lokal na pamahalaan, komunidad at mga imam sa ilalim ng Program Against Violent Extremism na ating inilunsad maraming taon na ang nakararaan.

“Ang mga mamamayan ng Basilan ay malaya nang nakagagalaw at nawala na ang takot na noon ay bumabalot sa aming lalawigan. Pinagtulungan namin kung anoman ang kapayapaan na tinatamasa naming mga Basileño ngayon,” anang deputy speaker.

“Sa katunayan, ilang beses nang pabalik-balik ang matataas na opisyal ng pamahalaan dito sa Basilan. Ilang laro na rin ng MPBL ang nairaos dito. Ilang beses na rin na-feature sa iba’t ibang website ang kagandahan ng mga dagat namin tulad na lamang ng Malamawi Beach na isa sa pinakamagandang beach sa buong bansa,” paliwanag niya.

Ayon sa kongresista, mula noong 2016 walang  kidnappings sa Basilan.

“We fought hard for the peace that we are enjoying now, at proud kaming mga Basileño sa achievement na ito.”

Iniimbitahan ni Hataman si Robles na dumalaw sa Basilan at personal na masaksihan ang laki ng ipinagbago ng seguridad ng aming lalawigan.

“Nawa’y matulungan mo kami Ms. Robles na maisulong ang Basilan bilang isang progresibong lalawigan na malaya sa kapit ng terorismo,” aniya.

               “Sana ay makita ni Ms. Robles ang plano ng DOT na mabuksan ang Mindanao sa turismo ay isang malaking kampanya na magbibigay ng kahulugan sa pagsisikap ng mga mamamayan tungo sa kapayapaan,” ayon kay Hataman.

Ayon kay Vice President-elect Sara Duterte-Carpio, ang pahayag ni Robles ay isang uri ng diskriminasyon para sa mga taga-Minadanao.

“What Robles did was a demonization of Mindanao and an insult to its people, who also deserve to experience the gains of the Duterte administration over the past six years. Robles clearly wanted to undervalue everything that the Duterte administration has done in keeping the peace and security in Mindanao and ensuring that concerns caused by terrorist organizations, including kidnap for ransom groups, are addressed appropriately with the help of local governments and leaders of communities,” ayon kay Duterte-Carpio na kasalukuyang mayor ng Davao. (GERRY BALDO)

About Gerry Baldo

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …