Saturday , May 28 2022

Piolo ayaw nang manahimik: Ngayon ang panahon para tumayo at magsalita

INAMIN ni Piolo Pascual na mas pinipili niyang manahimik kaysa sumagot sa mga nang-iintriga sa kanya.
“Bilang artista, sanay na akong pukpukin ng kung ano-anong issue. May mga pagkakataon na kailangang i-address ang isang bagay pero mas madalas, pinipili kong tumahimik,” giit ni Piolo sa isang video na nagpapakita ng kanyang pagsuporta kay Vice President Leni Robredo bilang susunod na pangulo ng bansa.
Ganito rin ang trato ni Piolo sa mga isyung politikal, na mas gusto pa niyang tahimik na magmatyag kaysa maglabas ng saloobin sa takot na baka mabatikos.
“Naisip ko, masyado nang magulo ang mundo para makidagdag pa sa samo’tsaring ingay. At hindi ko rin alam kung nararapat ba akong pakinggan. Hindi naman ako eksperto sa politika,” paliwanag niya.
Pero ngayong nakataya ang kinabukasan ng bansa sa Mayo 9, napagdesisyonan ni Piolo na hindi na siya dapat manahimik, sa pagsasabing ang pagtahimik ay isang pribilehiyo na hindi dapat ginagamit ng sinuman sa kasalukuyang panahon.
“Ang pananahimik sa ganitong panahon ay pagkampi sa mga pwersang nagpapahirap sa maraming Filipino. Sa mga nakaraang araw, palakas nang palakas ang sigaw. Hindi na ito kayang isawalang-bahala ng bawat Filipinong nagmamahal sa bayan,” ani Pascual.
“Bulong na ngayo’y isang malakas na ring sigaw, si Leni Robredo ang pangulo ko. Abogada, ekonomista, tapat, at walang bahid ng corruption,” dagdag pa niya.
Para matiyak na tama ang kanyang desisyong suportahan si VP Leni, sinabi ni Piolo na siya’y nagsaliksik, nakinig sa ibang tao, at binuksan ang isip bago naghayag ng suporta sa Bise Presidente.
Gaya ng ibang volunteers, sinabi ni Piolo na tumugon siya sa panawagan ni VP Leni na tumayo at ipaglaban ang bansa at kapakanan ng taumbayan, lalo na iyong mga nangangailangan.
“Pagkain sa mesa. Edukasyon. Maayos na kalusugan. Hindi ba’t ito naman ang araw-araw nating pinagsisikapan para sa ating pamilya? Hinihiling ng panahon na lawakan natin ang ganitong pagsisikap, hindi lang para sa mga mahal natin sa buhay, kundi para sa ating mga kababayang nangangailangan,” punto pa ni Piolo.
Binigyang diin ni Piolo ang kahalagahan ng pagkakaroon ng pamahalaan na tutulong sa taumbayan na maabot ang kanilang pangarap at gumanda ang buhay sa pamamagitan ng mga batas, programa, at plataporma.
“Tapat na pamamahalang magbibigay sa atin ng kasiguraduhan, tutulong sa atin sa panahon ng kalamidad o matinding pangangailangan,” wika pa ng aktor.
(𝙈𝙑𝙉)

About Maricris Valdez Nicasio

Check Also

Baron Geisler Pusoy

Baron nahiya sa 7 daring scenes sa Pusoy; Kung kailan nag-40 at saka naghubad

SHOWBIZ KONEKni Maricris Valdez Nicasio PITONG sexy scenes ang sinalangan ni Baron Geisler sa Pusoy ng Vivamax na mapapanood na simula …

Kathryn Bernardo Family

Kathryn Bernardo ambassador na ng Biogesic

IKINASIYA at ikinakilig ni Kathryn Bernardo ang pagiging health ambassador ng pinaka-pinagkakatiwalaang brand para sa sakit ng …

Marian Rivera Rhea Tan Bea Alonzo Beautederm

Ms. Rhea Tan super-kilig na may Marian na, may Bea pang endorsers ang Beautederm

ALAM MO NA!ni Nonie Nicasio AMINADO angPresident at CEO ng Beautéderm na si Ms. Rhea …

Xian Lim Barbie Imperial

Xian nagpaliwanag sa kumakalat nilang litrato ni Barbie 

MA at PAni Rommel Placente BINIGYANG linaw ni Xian Lim sa interbyu sa kanya ng pep.ph ang pang-iintriga sa kanila ni Barbie Imperial dahil sa kumalat na litrato nila habang nasa lobby ng isang …

Vince Tañada Ang Bangkay

Vince umaasang maisasali sa mga filmfest abroad ang Ang Bangkay

HARD TALKni Pilar Mateo SINO Ang Bangkay!  Si Don Segismundo Corintho, ang biyudong embalsamador. Na ginagampanan ni Vince …