Wednesday , May 25 2022
CoVid-19 Vaccine booster shot

Booster shots itinurok sa 1k QCJ inmates para zero covid mapanatili

PARA MAPANATILI ang zero “O” CoVid-19 case sa Quezon City Jail male dormitory, tinurukan na ng kanilang booster vaccine ang halos 1,000 person deprive of liberty (PDLs) habang binigyan ng first dose ang mga bagong pasok sa kulungan nitong Sabado, 12 Marso 2022 sa patuloy na vaccine rollout ng Bureau of Jail Management and Penology (BJMP).

Ayon kay QCJ warden JSupt. Michelle Ng Bonto, ang bakunang AstraZeneca ang itinurok bilang booster sa 903 inmates habang Janssen vaccine naman sa 203 na mga bagong pasok sa kulungan.

Inilinaw ni Bonto na bago ipinasok sa QC jail ang 203, sila ay sumailalim sa swab test para matiyak na hindi sila infected.

“Iyong mga bago, ipinapa-swab test muna natin bago papasukin dito hindi lang para makatiyak tayo na hindi sila infected kung hindi para sa seguridad ng inmates at mapanatili ang zero case ng CoVid-19 sa city jail,” pahayag ni Bonto.

Anang opisyal, sa talaan ng BJMP, umabot sa 3,307 o 93 porsiyentong PDLs ang nabakunahan na sa QC jail simula noong Oktubre 2021 sa ilalim ng QC Protektado Vaccination Program ng Local Government Unit (LGU) Health Department katuwang ang QCJMD Health Service Unit at BJMP National Capital Regional Health Service Division.

Pawang mga bakuna na AstraZeneca at Sinovac ang bakuna na ibinigay sa 3,307.

Ayon kay Bonto, sa bilang na nabanggit, ilan rito ay nakalaya na pero maaari naman silang bumalik sa city jail para sa kanilang second jab para makompleto ang kanilang vaccination o puwede naman sa labas at ipakita lang ang kanilang vaccination card bilang patunay na nakuha nila ang kanilang first jab.

Ayon kay BJMP Chief, Jail Director Allan Iral, sinimulan ang CoVid-19 Vaccination Roll-out noong Abril 2021 sa mga piitan ng ahensiya para sa proteksiyon at kalusugan ng inmates na ginagarantiyahan sa ilalim ng Sec. 15, Artikulo 2 ng 1987 Konstituyon ng Filipinas.

Tiniyak ni Iral, ang ahensiya ay nananatiling nakatuon sa pangangalaga sa kalusugan ng mga inmates lalo ang pagbibigay ng atensiyong medikal sa kanila.

Samantala, sinabi ni BJMP spokesperson JSupt. Xavier Solda, nasa 64,698 o 50.28% PDLs ang nabigyan ng booster shot habang nasa kabuoang 122,524 o 95.23% ang nabakunahang inmates sa mga piitan sa bansa na nasa ilalim ng BJMP. (ALMAR DANGUILAN)

About Almar Danguilan

Check Also

Arrest Posas Handcuff

Sa Caloocan City
P55-M SHABU TIMBOG SA BIG TIME TULAK

ISANG hinihinalang tulak ng ilegal na droga ang arestado matapos makuhaan ng mahigit P55 milyong …

Marawi

462 units ng pabahay ipinamahagi sa Marawi

PORMAL nang naipamahagi ang 462 permanenteng bahay sa mga benepisaryong nawalan ng tirahan noong 2017 …

MMDA, NCR, Metro Manila

Pumping station sa Metro handa sa tag-ulan — MMDA

KINOMPIRMA ng Metropolitan Manila Development Authority (MMDA) na operational at nasa maayos na working conditions …

shabu drug arrest

P.4-M kompiskado sa nasakoteng 6 drug pushers

TINATAYANG 60 gramo ng hinihinalang shabu na nagkakahalaga ng P408,000 ang nakompiska sa anim na …

shabu

P3-M droga tiklo, 8 tulak arestado

AABOT sa mahigit sa P3 milyon (P3,808,000) halaga ng hinihinalang ilegal na droga (shabu) ang …