Saturday , May 28 2022
Almarinez free Wi-Fi

Almarinez free Wi-Fi facilities sa Laguna, malaking tulong

DAHIL sa negatibong epekto ng CoVid-19 sa ekonomiya, nagbigay ng libreng 60 WI-FI facilities si San Pedro, Laguna congressional candidate Dave Almarinez sa 27 barangay sa lugar.

Layunin ng serbisyo na tinawag na “Dave Almarinez WI-FI Zone” ay para makatulong sa mabilis na pagrekober ng mga residente sa nangyaring paglagapak ng ekonomiya bunsod ng pandemya.

Inilagay ang mga internet infrastructure sa mga pampublikong lugar tulad ng liwasan, covered courts, transport terminals, at iba pa.

Ayon kay Almarinez, asawa ng artistang si Ara Mina, ang internet ay may bilis na 50 hangang 500 Mbps.

Naniniwala si Almarinez, marami ang makikinabang sa libreng Wi-Fi lalo ang mga negosyong may kaugnay sa paggamit ng delivery riders ng iba’t ibang delivery service apps at ang maliliit na negosyante sa 27 barangay ng San Pedro.

Bukod sa mga nabanggit, sinabi rin ni Almarinez na makikinabang rin sa proyekto ang mga estudyante at guro sa kanilang online class.

“Our Wi-Fi zones will give every resident of San Pedro free internet access to information and future digital opportunities. Ours are projects that are sustainable and beneficial to all sectors. Not only for us but for the next generation,” pahayag ni Almarinez.

Ikinatuwa at nagpasalamat sa pamamagitan ng social media gamit ang “Almarinez Wi-FI” ang mga residente ang proyekto ni Almarinez,

“Sa totoo lang, nakamamangha ang dami ng proyektong dinala niya rito sa San Pedro. Hindi pa nakaupo pero ang dami ng proyekto,” pahayag ni Belarmino sa kanyang FB post.

Bukod sa WI-FI, si Almarinez din ang nanguna para padaliin ang donasyon na 20,000 Moderna vaccines para sa lokal na pamahalaan ng San Pedro para makatulong at mapabilis ang pagbabakuna sa mga residente ng bayan. (ALMAR DANGUILAN)

About Almar Danguilan

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …