Tuesday , August 16 2022
gun QC

Habang naghahapunan
RETIRADONG SUNDALO INUTAS SA ISANG BALA

ISANG bala ang tumapos sa buhay ng isang retiradong sundalo nang barilin ng hindi kilalang suspek habang naghahapunan sa isang karinderya sa Brgy. South Triangle, Quezon City, nitong Martes ng  gabi.

Sa ulat ng Quezon City Police District QCPD, namatay noon din dahil sa isang tama ng bala sa batok ang biktimang si Wilson Daniel, 57, retired enlisted personnel ng Armed Forces of the Philippines (AFP), tubong Malangas, Zamboanga del Sur, residente sa Purok 10, Brgy. Militar, Fort Magsaysay, Palayan City, Nueva Ecija.

Sa imbestigasyon ng QCPD Kamuning Police Station 10, na pinamumunuan ni P/Lt. Col. Alex Alberto, dakong 11:45 pm nang barilin ang biktima sa isang kainan sa kanto ng Sgt. Esguerra at Sct. Madriñan sa Brgy. South Triangle.

Kumakain ang biktima nang lapitan ng suspek saka binaril sa batok at tumakas nang mabilis.

Narekober ng mga awtoridad mula sa dalang bag ng biktima ang isang kalibre .45 baril at ilang magazine na loaded ng mga bala, kutsilyo, radyo, AFP ID card, lisensiya, passport at ilan pang mahahalagang gamit gaya ng legal documents, cellphone, P2,900 cash at susi ng sasakyan.

Inaalam ng mga awtoridad ang motibo sa pamamaslang. (ALMAR DANGUILAN)

About Almar Danguilan

Check Also

Muntinlupa Police

Muntinlupa ginawaran ng Best City Police Station Award ng SPD

IGINAWAD sa Muntinlupa City Police ng Philippine National Police (PNP) ang Best City Police Station …

Las Piñas City hall

Las Piñas, safe city sa Metro Manila

IDINEKLARA ang Lungsod ng Las Piñas bilang Safe City sa buong Metro Manila, sa ginanap …

MMDA, NCR, Metro Manila

581 MMDA traffic personnel ide-deploy sa school zones simula sa pasukan ng klase — MMDA

AABOT sa 581 Metropolitan Manila Development Authority (MMDA) traffic personnel ang ide-deploy ng ahensiya sa …

electric wires

Kableng ninakaw, Metro sa C-5 road, Taguig napalitan na

NAPALITAN na ang ninakaw na metro at kawad ng koryente sa C5 road sa lungsod …

shabu drug arrest

Sa Valenzuela
ONLINE CASINO AGENT KULONG SA P.1-M SHABU

BAGSAK sa kulungan ang isang online casino agent matapos makuhaan ng mahigit P.1 milyon halaga …