Saturday , December 4 2021

No.1 kagawad ng Hagonoy itinumba sa loob ng hardware (Sa Calumpit, Bulacan)

NAGLULUKSA ngayon ang mga mamamayan sa isang barangay sa bayan ng Hagonoy, lalawigan ng Bulacan, nang paslangin ang kanilang no. 1 barangay kagawad ng riding in-tandem sa bayan ng Calumpit, nitong Miyerkoles ng umaga, 16 Hunyo.
 
Batay sa ulat mula kay P/Lt. Col. Ramil Santos, hepe ng Calumpit Municipal Police Station (MPS), kinilala ang biktimang si Romalie “Manet” Gonzales Buensuceso-Aguilar, 45 anyos, residente sa Purok 2, Brgy. Iba O’ Este, sa bayan ng Calumpit, at kagawad ng Brgy. Mercado sa bayan ng Hagonoy, pawang sa naturang lalawigan.
 
Nabatid, nasa loob si Aguilar ng kanyang hardware store sa Brgy. Iba O’ Este nang barilin dakong 10:00 am kamakalawa, ng mga lalaking magkaangkas sa motorsiklo.
 
Ayon sa mga nakasaksi, biglang pumasok ang gunman na angkas ng isang motorsiklong Yamaha Mio Sporty, walang plaka sa MGB Hardware na pag-aari ng biktima at pinaputukan si Aguilar gamit ang kalibre .45 baril sa bahagi ng kanyang ulo.
 
Nagawa pang isugod sa Calumpit District Hospital ang biktima ngunit idineklara ng manggagamot na dead on arrival dahil sa tama ng bala sa ulo.
 
Sumikat si Aguilar na No. 1 kagawad sa Brgy. Mercado dahil sa kanyang programang pamamahagi ng mga tsinelas sa kanyang nasasakupan kaya binansagan siyang ‘Tsinelas Queen’ bukod pa sa sariling inisyatiba na ‘bigas palit-basura’ para sa tamang pagsisinop ng basura sa komunidad. (MICKA BAUTISTA)

About Micka Bautista

Check Also

Beatrice Luigi Gomez Rabiya Mateo Catriona Gray Janine Tugonon Miriam Quiambao

MUP winners may sumpa nga ba sa lovelife?

KITANG KITA KOni Danny Vibas HINDI naniniwala si Rabiya Mateo, 25, na may “sumpa” ang …

3 rapists, 18 pasaway nasakote sa Bulacan

NASUKOL ang kabuuang 21 katao kabilang ang tatlong hinihinalang rapist sa iba’t ibang operasyong ikinasa …

Huli sa aktong nagka-Cuajo
4 SUGAROL TIMBOG SA TARLAC

ARESTADO ang apat katao nang mahuli sa akto ng mga awtoridad habang nasa kainitan ng …

2 babaeng miyembro ng kulto minolestiya
‘FAKE HEALER’ KALABOSO SA ABUSO

ARESTADO ang lider ng isang pinaniniwalaang kulto sa bayan ng Asturias, lalawigan ng Cebu dahil …

Manny Asuncion

Sa pagpatay sa labor leader
MURDER VS 17 PARAK SA BLOODY SUNDAY

NAHAHARAP sa kasong murder ang 17 pulis na sangkot sa pagpatay kay labor leader Manny …

Leave a Reply