Sunday , January 29 2023

P1.8-M shabu nadiskobre sa nagliyab na motorsiklo (Sa Antipolo City)

NADISKOBRE ng mga tauhan ng Antipolo PNP ang 280 grams ng shabu, tinatayang P1.8 milyon ang halaga, sa nagliyab na motorsiklo habang tumakas ang suspek nang makita ang nagrespondeng mga pulis sa lungsod ng Antipolo kahapon.

Sa ulat ni Insp. Rolly Baylon, PCP-1 commander, kinilala ang suspek na si Rick Santos, 42, nakatira sa 09 Doña Justa Subd., Angono, Rizal.

Nabatid sa opisyal, dakong 2:55 pm nang makatanggap sila ng tawag na may nagliyab na motorsiklo sa harap ng Riklan Center, sa Marcos Highway, Brgy. Mayamot.

Bunsod nito, nagresponde ang opisyal kasama ang ilang bombero para apulain ang sunog at tulungan ang may-ari ng motorsiklo.

Ngunit imbes makipag-ugnayan si Santos sa mga awtoridad, bigla siyang naglaho at iniwan ang nagliliyab na motorsiklo.

Nang maapula ang apoy, tumambad sa mga awtoridad at bombero ang tatlong packs ng shabu, tinatayang 280 gramo, at ang muntik nang masunog na driver’s license ng suspek.

Sinampahan ng pulisya ng kasong paglabag sa RA 9165 o Comprehensive Dangerous Drugs Act of 2002, ang tumakas na suspek.

(ED MORENO)

About Ed Moreno

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Leave a Reply