Kargador dumiskarte sa pagtutulak ng droga tiklo

ISANG 20-anyos kargador, nakatalang high value target (HVT)  dahil ginawang sideline ng pagtutulak ng ilegal na droga sa lungsod ng Pasig, nitong Sabado ng hapon, 3 Setyembre.

Kinilala ni P/Col. Celerino Sacro, Jr., hepe ng Pasig police, ang suspek na si Jevan Quilong-Quilong, alyas Banong, kargador, nasa drug watchlist ng pulisya at nakatira sa, Brgy. Palatiw, sa lungsod.

Dakong 2:00 pm kamakalawa nang makatransaksiyon at masakote ni P/Lt. Kenny Khamar Khayad ng Station Drug Enforcement Unit (SDEU) ang suspek sa Baltazar St., Brgy. Pinagbuhatan, sa nabanggit na lungsod.

Nasamsam mula sa suspek ang hinihinalang shabu na may timbang na 10 gramo at tinatayang nagkakahalaga ng P68,000, at shabu paraphernalia.

Nakatakdang sampahan ng kasong paglabag sa Section 11 Article ll ng RA 9165 (Comprehensive Dangerous Drug Act of 2002). (EDWIN MORENO)