Overpricing sa APEC-SOM inireklamo

PINAIIMBESTIGAHAN ng Malacañang sa Department of Tourism (DoT) ang napabalitang reklamo ng mga delegado sa APEC Senior Officials Meeting (SOM) kaugnay sa sinasabing biglang pagtataas sa hotel rates sa Cebu.

Nakatakdang isagawa ang nasabing meeting sa Setyembre 5 hanggang 6 na iba’t ibang senior officials mula sa APEC member-countries ang dadalo.

Sinabi ni Communications Sec. Sonny Coloma, bilang miyembro ng organizing committee trabaho ng DoT na alamin ang katotohanan sa nasabing balita

Ayon kay Coloma, dapat matiyak na reasonable rates ang ipatutupad sang-ayon sa umiiral na international benchmarks.

Ang serye ng SOM ay ginagawa bago pa man ang APEC Leaders’ Meeting sa Nobyermbre na world leaders ang dadalo.