Binatilyo nadurog sa ice crasher

NAGA CITY – Nadurog ang katawan ng isang binatilyo makaraan aksidenteng makapasok sa ice crasher sa isang planta sa bayan ng Camaligan, Camarines Sur kamakalawa.

Kinilala ang biktimang si Angelo Tacordo, 17, residente ng Brgy. Bagacay sa bayan ng Tinambac sa nasabing lalawigan.

Nabatid na kumukuha ang biktima ng blokeng yelo para ilagay sa mga isdang ipapamili.

Ngunit hindi sinasadyang naipasok ng biktima ang kanyang kamay sa isang crasher machine kaya nahila siya at nadurog ang kanyang katawan.

Nabatid na papatayin pa sana ng kanyang katrabaho ang makina ngunit huli na ang lahat.