Oil spill sa nasunog na barko sa Ormoc pinangangambahan

PINANGAMBAHAN ng Philippine Coast Guard (PCG) ang magaganap na oil spill sa karagatan ng Ormoc makaraan ang pagkasunog ng MV Wonderful Star ng Roble Shipping Lines.

Dakong 11:30 p.m. kamakalawa nang idineklarang fireout ng Bureau of Fire Protection ang sunog sa barko, at lumabas sa inisyal na imbestigasyon na sa bodega nagsimula ang apoy.

Kaugnay nito, patuloy na nagpapagaling ang tatlong crew sa ospital.

Napag-alaman, kabilang ang kapitan ng nasabing barko na tutulong sana para maapula ang sunog, umakyat sila sa tuktok ng barko ngunit dahil sa matinding usok ay tumalon sa dagat kaya nagkaroon ng minor injuries.