PUSH NA’YAN
ni Ambet Nabus
IBA talaga si papa Piolo Pascual dahil noong nakaraang Friday the 13th, sinolo talaga niya ang Bawal Judgemental portion ng Eat Bulaga.
Nagmistulang presscon on TV ang naganap dahil puro Q&A ang nangyari. Piolo answered every question na ibinato sa kanya ng Dabarkads, kasama na ‘yung mga nasa online, pero pinaka-nagmarka sa mga manonood ang tinuran ni bosing Vic Sotto na kaya raw tinanggap niya ang pelikulang The Kingdom ay dahil kay Piolo.
Panay papuri sa kaguwapuhan, husay, at kabaitan ni Piolo ang nangyari kaya’t ‘yung Bawal Judgmental last Friday ay naging regalo sa isang Piolo hahahaha!
Sumegue pa si Tito Sen na kung nangangarap na gumawa ng comedy film si Piolo, subukan niya ang Tito, Vic and Joey.
