RATED R
ni Rommel Gonzales
STAR-STUDDED ang birthday celebration ni GMA Network Senior Vice President Atty. Annette Gozon-Valdes noong Sunday, November 3, sa The Peninsula Manila.
Sa Instagram post ng Sparkle GMA Artist Center, isa sa highlight ng kaarawan ay ang pagdalo ng mga Kapuso at Sparkle artists, kabilang sina Alden Richards, Dingdong Dantes, at Julie Anne San Jose, na nakisaya at nag-perform sa gabing iyon.
Ilan din sa mga celebrity na dumalo sa celebration sina Sanya Lopez, Rayver Cruz, Bianca Umali, Ashley Ortega, Ruru Madrid, Shuvee Etrata, at Faith da Silva.
Ito ay isang surprise para kay Atty. Annette na dumating sa venue kasama ang amang si GMA Chairman Atty. Felipe L. Gozon.
Kasama rin sa mga bisita ang ilang opisyal ng GMA Network, kanyang pamilya, at iba pang mga kamag-anak at kaibigan na nagbigay ng suporta at pagmamahal sa birthday celebration.
Happy Birthday, Atty. Annette Gozon-Valdes!
