HATAW! D'yaryo ng Bayan hatawtabloid.com
RATED R
ni Rommel Gonzales
HINDI naman masama kung magka-baby na ang matagal nang magkarelasyong sina Sue Ramirez at Dominic Roque.
Keri na ba ni Sue na maging mommy ng mga magiging anak nila ni Dom?
“Why not? Sana.
“Kung maibibigay, ‘di ba? I think Dominic will be a very, very good father in the future, if he does want to have kids.”
Ganito ang naging direksiyon ng tanong kay Sue dahil may pelikula sila ni Rico Blanco, ang Project Baby ng Regal Entertainment Inc. na ipalalabas sa mga sinehan sa June 10.
Sabagay, nasa tamang edad na naman si Sue para maging ina, she will be turning 30 years old sa July 20, at iyon na nga, ready naman na siya (maging ina).
“Matagal ko na siyang gustong mangyari for me. Kapag tinatanong ako, ano bang gusto ko pang mangyari? Sabi ko, parang nagawa ko na lahat. Ang dami ko nang nagawa.
“Pero gusto kong maging nanay.
“Gusto kong maging nanay na katulad ng nanay ko. ‘Yun ang lagi kong sinasabi.”
At dahil nga 30 years old na si Sue, aminado siya na may kaunting pressure na siyang nadarama.
“’Yun nga, inevitable ‘yung ticking timebomb ng pagiging isang babae.
“Kailangan na siya ng kilos at galaw soon kung gusto nating may mangyari at may mabuong bata.
“Pero right now, I am still busy working. Pero kung ibibigay sa akin, why not?”
Okay lang ba sa kanya na magkaanak kahit hindi pa kasal?
“Oo naman” pakli ni Sue.
Samantala, sa Project Baby ay siya si Sandy na gustong magka-baby sa isang sperm donor na walang commitment.
Okay din ba sa kanya ang ganitong sitwasyon?
“Dati, naisip ko iyon. Baka kahit walang partner, baka kaya ko?
“Pero ngayon, mas ano na ako…siguro depende sa partner mo at the moment.
“Makikita mo rin talaga iyon at saka mas mabubukas pa ‘yung isip at puso mo sa possibility na I can still form a beautiful family.
“Pero if not, I think pipiliin mo pa rin ‘yung tao na alam mo na kahit maghiwalay kayo o mayroon kayong hindi napagkakasunduan, kapag medyo may certainty ka rin doon sa person that you want to do it with.”
