Friday , May 27 2022
gun QC

2 kawatan patay sa shootout sa QC

PATAY ang dalawang hinihinalang kawatan makaraang makipagbarilan sa mga operatiba ng Quezon City Police District (QCPD) kahapon ng madaling araw sa lungsod.

Sa ulat kay QCPD Director, P/BGen. Remus Medina ni Criminal Investigation and Detection Unit (CIDU) chief, P/Maj. Loreto Tigno, ang isa sa suspek ay inilarawang nasa edad 30-35 anyos, may tangkad na 5’4”, nakasuot ng puting t-shirt, pulang short, itim na na sombrero, itim na face mask; samantala ang isa ay edad 35-40 anyos, may tangkad na 5’2”, nakasuot ng pula’t itim na sando, brown na short pants, itim na sombrero at tsinelas.

Sa imbestigasyon, habang nagpapatrolya ang tropa ng CIDU na pinangunahan ni P/Maj. Rene Balmaceda dakong 12:10 am nitong 20 Pebrero 2022 sa kahabaan ng Araneta Ave., corner G. Roxas Sr., Brgy. Manresa, Quezon City, ang biktima na kinilalang si Andrea Madrigal, ay humingi ng tulong dahil siya ay naholdap ng mga hindi kilalang suspek na tumakas patungong Araneta Ave., sakay ng isang tricycle.

Agad nagresponde ang mga pulis at naharang ang mga suspek na tugma sa deskrispyon ng biktima.

Ngunit imbes sumuko, bumunot ang dalawa ng baril at pinaputukan ang mga pulis kaya gumanti ng putok na nagresulta sa pagkamatay ng dalawa.

Narekober ng QCPD Forensic Team sa pinangyarihan ng insidente ang isang revolver na may dalawang fired cartridge cases, isang Magnum .357 Smith and Wesson revolver na may dalawang fired cartridge cases, apat na misfired na bala, dalawang bala, at 18 pakete ng shabu.

“Pinupuri ko ang ating mga pulis sa kanilang maagap na pagresponde sa biktima. Maging isang banta sana ito sa mga kriminal na walang takot sa paggawa ng krimen dahil marami tayong mga pulis na itinalaga sa lansangan upang magbantay sa katahimikan at kapayapaan ng Quezon City,” pahayag ni P/BGen. Medina.

“Ang Team NCRPO ay buong katapangang susuungin ang anomang panganib upang ipatupad ang kampanya laban sa kriminalidad. Kung kaya naman hinihingi namin ang kooperasyon ng publiko para sa ikatatahimik at ikaaayos ng ating komunidad,” tugon ni P/MGen. Vicente Danao, Jr., ang Regional Director ng National Capital Region Police Office. (ALMAR DANGUILAN)

About Almar Danguilan

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …