Wednesday , July 17 2024
Leni Robredo Kiko Pangilinan

Leni-Kiko suportado ng urban poor group

NAGPAKITA ng buong-puwersang pagsuporta ang mga kinatawan mula sa iba’t ibang chapter ng Kalipunan ng Damayang Mahihirap (Kadamay) sa tambalang presidential candidate Leni Robredo at vice presidential candidate Francis “Kiko” Pangilinan.

Ang suporta ng grupo sa tambalang Leni-Kiko ay nag-ugat sa ipinadamang pagkalinga upang sila’y makatawid noong 2020 sa kasagsagan ng unang Luzon hard lockdown.

“Gusto namin si [Kiko] na makaupo sa gobyerno dahil siya po ang tunay na naglilingkod sa masang Filipino. Kami pong mga maralita ay hindi nila kami inihihiwalay sa kanilang tulong at hindi kami nila pinabayaan noong panahon ng pandemya,” ani Nanay Inday Bagasbas, Kadamay National vice chairperson.

Magugunitang noong 1 Abril 2020, ang naturang grupo partikular ang kanilang local arm sa Sitio San Roque ng lungsod ng Quezon ay naharap sa harassment mula sa pulisya matapos magsagawa ng kilos protesta para ipanawagan sa pamahalaan ang paghingi ng tulong sa kasagsagan ng hard lockdown.

Nagtipon-tipon noon ang grupo sa EDSA sa bahagi ng Barangay Bagong Pag-asa para magsagawa ng mapayapang pagtitipon ngunit agad silang binuwag at tinakot ng mga pulis at ang 21 miyembro ay agarang inaresto, kabilang ang mga senior citizen.

Hindi nagdalawang isip noon ang anak ni Pangilinan na si Kakie na agad nag-alok ng pampiyansa sa isa sa mga dinakip, kalaunan nabatid na ang lahat ng inaresto at ikinulong ay pinansiyahan ng mag-asawang Kiko at Sharon.

Dahil dito, tumatak sa puso ng grupo ng mahihirap ang pagtulong at pagkalinga na ginawa ng pamilya ng senador.

“Kaya buong puso kami sa loob ng Sitio San Roque kasama ang KADAMAY National at KADAMAY San Roque na nagpapasalamat sa pamilya Pangilinan na hindi kami pinabayaan,” ani Bagasbas.

Iginiit ni Mimi Doringo, isa sa mga lider ng Kadamay National na gustong-gusto nila ang pangako ni Pangilinan na kapag naluklok siya ay sisikapin niyang mawala ang kagutuman.

“Ito naman ang pangunahing pangangailangan ng mga maralitang tagalungsod… ayaw na po namin ng gutom, sawang-sawa na kami sa paghihirap,” ani Doringo.

Bukod sa piyansa ay nagbigay din ang anak ni Pangilinan ng food assistance sa mga taga-Sitio San Roque na inilalarawan ni Doringo na ‘very personal.’

“Mas personal pa po iyong kanyang anak si Ms. Frankie Pangilinan dahil noong panahon na nagugutom iyong community at may nakulong na 21 katao mula sa Sitio San Roque, mabilis po iyong naging tugon ni Ms. Frankie Pangilinan para magbigay ng tools sa urban gardening,” dagdag ni Doringo. (NIÑO ACLAN)

About Niño Aclan

Check Also

arrest prison

Kapwa may asuntong Child Abuse
AKUSADO INARESTO SA PRESO
Isa pang MWP nasakote 

DALAWANG lalaki na nakatala bilang most wanted persons (MWP) ang nalambat ng pulisya sa magkahiwalay …

France Castro Satur Ocampo

 ‘CONVICTION’ SA CHILD ABUSE KINONDENA
‘Power of Red taggers’ inginuso

KINONDENA ng mga makabayang kongresista at mga militanteng grupo ang ipinataw na hatol ng Tagum …

Egay Erice Comelec

$15-M bank account ng Comelec official ibinunyag ng ex-Cong

TILA ‘isinampal’ ni dating Caloocan representative Egay Erice sa tanggapan ni Commission on Elections (COMELEC) …

Krystall Herbal Oil

Retiradong empleyado, laging may stocks na Krystall Herbal Oil para sa kalusugan

Back to BasicNATURE’S HEALINGni Fely Guy Ong Dear Sis Fely Guy Ong,          A blessed …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …