Saturday , May 21 2022
Joel Villanueva Sara Duterte

Villanueva inendoso ni Inday Sara

INENDOSO ni vice presidential candidate, Davao City Mayor & Presidential daughter Inday Sara ang kandidatura ni relectionist Senator Joel “Tesdaman” Villanueva, sa kabila na hindi isinama sa senatorial slate ni presidential candidate at dating Senador Ferdinand Marcos, Jr.

Ayon kay Duterte, bagamat hindi nakasama si Villanueva sa mga senatorial line-up ng kanilang tambalan ni Marcos ay kanya pa rin sinusuportahan ang Tesdaman dahil siya ay isa sa kanyang mga kaibigan.

“Meron din akong mga kaibigan na tumatakbong senador na kahit may politika man o wla ay magiging kabigan ko pa rin sila (tulad ni) Joel Villanueva,” ani Mayor Sara sa kanyang speech.

Sinabi ni Sara, bukod sa pagiging magkaibigan ay nanini­wala siya sa kakayahan nito at karapat-dapat makabalik sa senado si Villanueva dahil sa kanyang mga nagawa.

Bagay na agad ipinagpa­salamat ni Villanueva ang suporta at tiwalang ipinagkaloob sa kanya ng anak ng Pangulo.

Binigyang-diin ni Villanueva, malaking tulong sa kanyang kandidatura ang pag-endoso ng anak ng Pangulo at talaga namang kaibigan niya ang pamilya nito, may eleksiyon man o wala.

Inihayag ni Sara, ang kanyang pag-endoso kay Villanueva sa kanyang speech sa kick-off rally ng UniTeam. Nauna rito, nagpahayag ng suporta si vice presidential candidate at Senate President Vicente “Tito” Sotto III sa kandidatura ni Villanueva.

Tinukoy ni Sotto, si Villanueva ay mayroong malinaw na programa para magkaroon ng trabaho at kabuhayan ang bawat mamamayang Filipino.

Magugunitang bago ang pagsisimula ng kampanya ay kasama si Villanueva sa mga senatorial-line up ng tambalang Lacson-Sotto, Pacquiao-Atienza, at Moreno-Ong. Ngunit sa kick-off proclamation rally ng mga nabanggit na tambalan ay walang dinaluhan kahit isa man si Tesdaman bilang pagbibigay-galang at respeto sa bawat partido bukod sa mayroon siyang naunang importanteng imbistasyon.

Nagpaabot ng kanyang pasasalamat si Villanueva sa mga tandem na nagtitiwala at naniniwala sa kanyang kakayahan.

Nagsagawa si Villanueva ng kanyang kick-off campaign sa pamamagitan ng social media na dinaluhan ng mga mamamayang Filipino sa iba’t ibang panig ng Filipinas at ng buong mundo.

Dito inihayag ni Villanueva ang kanyang naging trabaho sa senado at tiniyak sa publiko na muling magtatrabaho bilang empleyado ng senado sa sandaling mahalal.

Layon ni Villanueva, sa kanyang pagbabalik sa senado ay muling makapagbigay ng tulong, trabaho, negosyo, at kabuhayan para sa bawat mamamayang Filipino.

  (NIÑO ACLAN)

About Niño Aclan

Check Also

052022 Hataw Frontpage

Exclusive!
PAUL SORIANO BAGONG PALACE EXECUTIVE

ni ROSE NOVENARIO MAISASALBA na ang karerang muntik lumubog ni multi-awarded film director at mister …

Ejay Falcon Rhea Tan Beautederm Jana Roxas

Pagkapanalo ni Ejay ikina-proud ni Beautederm CEO Rhea Tan 

PABONGGAHANni Glen P. Sibonga PROUD ate si Beautederm CEO and President Rhea Anicoche Tan sa itinuturing niyang …

051922 Hataw Frontpage

Hirit sa Korte Suprema,
MARCOS, JR., ‘PAG NA-DQ, ROBREDO ILUKLOK NA PANGULO

ni ROSE NOVENARIO SI VICE PRESIDENT Leni Robredo ang dapat iluklok na ika-17 Pangulo ng …

P3-M Ketamine kompiskado sa Taiwanese

P3-M Ketamine kompiskado sa Taiwanese

ARESTADO ang isang Taiwanese national sa 600 gramo ng ketamine na aabot sa P3,000,000 ang …

The Women Club Nova Villa Tetchie Agbayani Tina Paner

The Woman Club ng Kapitana Media umaarangkada na

I-FLEXni Jun Nardo MAPAPANOOD na onboard ng Emirates at Philippine Airlines ang digi-film na The Women …