Monday , May 16 2022
Super Tekla Aira

Aira umalis kay Tekla na-culture shock sa buhay-Maynila

RATED R
ni Rommel Gonzales

Sa birthday celebration ni Super Tekla sa programa nila ni Boobay, nilinaw ng komedyante ang dahilan kung bakit umalis sa poder niya ang panganay na anak na si Aira na umuwi muli sa Bacolod.

Sa pamamagitan ng tawag, binati ni Aira ang kanyang ama at sinabing mahal na mahal niya ito kahit pa bumalik siya sa Bacolod kapiling ang kanyang lola.

Hindi porke umalis ako riyan hindi na kita mahal,” sabi ni Aira sa The Boobay and Tekla Show. “Mahal na mahal kita daddy. Kailangan ko lang umalis [para] ‘di na rin ako makaabala sa trabaho mo.”

Nais ni Aira na makapag-concentrate ang kanyang ama sa trabaho at hindi nag-aalala sa kanya.

.

Tiniyak niyang maganda at ligtas ang kalagayan niya sa piling ng kanyang lola at mga pinsan.

Magkikita rin tayo soon, daddy,” sabi niya.

Paliwanag ni Tekla, na-culture shock ang 12-anyos niyang anak nang kunin niya ito sa probinsiya at dinala sa Maynila para magkasama silang mag-ama.

Gayunman, naunawaan ni Tekla na nabigla ang bata sa biglang pagbabago sa paligid nito at malayo sa mga kaibigan.

Inakala raw ni Tekla noon na makakapag-adjust ang kanyang anak. Pero ngayon, tanggap niya na mas magiging maganda para kay Aira na manatili muna sa Bacolod sa piling ng kanyang lola at doon mag-aral.

Gayunman, hiniling ng komedyante sa anak na huwag mag-aatubiling tawagan siya kapag may kailangan o problema.

Nak hindi kita inoobliga na pahalagahan mo ako, just ano lang, connect lang sa akin. Kung anong problema mo, nandito lang ako. Just chat me,” sabi ni Tekla.

Kasabay nito, inihayag din ni Tekla ang hangarin na bumuti ang kalagayan ng bunso niyang anak na si Angelo.

Magiging kampante lang ako at masaya ako na parang makakatulog akong maayos kapag nakikita ko ‘yong anak kong stable at maayos…si Angelo,” ani Tekla.

About Rommel Gonzales

Check Also

Aiko Melendez Marthena Melendez Jickain

Aiko Melendez, perfect example ng isang tunay na public servant

ALAM MO NA!ni Nonie Nicasio ISANG araw matapos maiproklama bilang Konsehal ng 5th District ng …

Angeli Khang Vince Rillon Pusoy

Pusoy ng Vivamax, parang Pinoy version ng Fifty Shades of Grey — Angeli Khang

ALAM MO NA!ni Nonie Nicasio LABIS ang pasasalamat ni Angeli Khang sa Viva sa mga …

Mahal

Fans ni Mahal nakasuporta pa rin kahit wala na ang komedyante

MA at PAni Rommel Placente AMINADO si Luy, bunsong kapatid ng namayapang komedyana na si Mahal, na …

Aiko Melendez Oplan Baklas

Oplan Baklas ni Konsi Aiko kapuri-puri

MA at PAni Rommel Placente ISA si Aiko Melendez sa pinalad na manalo sa nagdaang eleksiyon bilang …

Robin Padilla Aljur Abrenica

Aljur kay Robin — He deserves to be number one, he has a heart

HARD TALKni Pilar Mateo WHAT about the (ex?) son-in-law na si Aljur Abrenica? Tinanong ko si …