Wednesday , August 10 2022
Kiko Pangilinan

Pandemya tapusin mamamayan magbakuna — Pangilinan

NANAWAGAN si vice presidential aspirant Senador Francis “Kiko” Pangilinan sa lahat na huwag sayangin ang tatlong araw na National Vaccination Day upang mabakunahan.

Naniniwala si Pangilinan, ito ang magiging susi upang mawakasan o tapusin ang pandemya sa buong bansa.

“Ang pagpapabakuna ay proteksiyon kontra CoVid-19 para sa ating sarili, mga mahal sa buhay, at kapwa. Makilahok at magpabakuna ngayong 29-30 Nobyembre hanggang  at 1 Disyembre 2021 sa three-day National Vaccination Day,” ani Pangilinan.

Hinikayat ni Pangilinan ang lahat na alisin ang agam-agam sa bakuna.

Iginiit ni Pangilinan, naririyan ang ating mga doktor, nurse, at iba pang health workers sa vaccination centers para matiyak na mapapangalagaan tayo sa araw ng bakuna.

“Tapusin na natin ang pandemya, makinig sa mga eksperto, tayo ay magpabakuna upang protektahan ang sarili at pamilya,” dagdag ni Pangilinan.

Paalala  ni Pangilinan, hindi biro ang virus lalo na’t mayroon na namang bagong variant na ang tawag ay  omicron.

“Habang inaalam ang mga katangian ng variant na ito, makinig tayo sa payo ng WHO, mag-face mask, mag-physical distancing, at hangga’t maaari, huwag munang lumabas at pumunta sa matataong lugar,” ani Pangilinan. (NIÑO ACLAN)

About Niño Aclan

Check Also

P120-K shabu nasabat live-in partners nasakote

P120-K shabu nasabat live-in partners nasakote

NASAMSAM ang P120,000 halaga ng hinihinalang shabu mula sa live-in partners sa ikinasang drug buy …

Sa Rizal P1.1-M DROGA NASABAT 6 HVI SWAK SA SELDA

Sa Rizal
P1.1-M DROGA NASABAT 6 HVI SWAK SA SELDA

DERETSO sa kulungan ang anim na nakatalang high value individual (HVI) makaraang makompiska sa kanila …

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …