HATAW! D'yaryo ng Bayan hatawtabloid.com
NASAKOTE ng mga awtoridad ang apat na hinihinalang tulak sa ikinasang buy bust operations sa mga lungsod ng Mandaluyong at Marikina, nitong Martes, 2 Nobyembre.
Kinilala ang mga nadakip na suspek na sina Leandro Yu, 47 anyos; Arjay Caparal; Arthur Batulan, 28 anyos; at Mario Mallari, 41 anyos.
Unang naaresto sina Caparal, Mallari, at Batulan dakong 5:40 pm nitong Martes, 2 Nobyembre, sa JB Subd., Brgy. Nangka, sa lungsod ng Marikina.
Nakompiska ng mga operatiba mula sa mga suspek ang 10 gramo ng hinihinalang shabu na tinatayang nagkakahalaga ng P68,000, shabu paraphernalia, at buy bust money.
Samantala, nadakip si Yu dakong 11:10 pm na iyon, sa Bliss Compound, Rose St., Brgy. Hulo, lungsod ng Mandaluyong. Nakuha mula kay Yu ang tatlong transparent plastic sachet ng hinihinalang shabu na may timbang na 4.3 gramo at tinatayang nagkakahalaga ng P29,240, at mga shabu paraphernalia.
Kasalukuyang nasa kustodiya ng mga awtoridad ang mga suspek at nakatakdang sampahan ng kasong paglabag sa RA9165 o Comprehensive Dangerous Drugs Act of 2002. (EDWIN MORENO)
