Hirit na extension sa voters’ registration ibinasura ng SC

IBINASURA ng Supreme Court (SC) ang hirit na palawigin pa ang voters’ registration para sa 2016 elections.

Sinabi ni SC spokesman Theodore Te, walang merito ang inihaing petisyon ng Kabataan party-list.

Hiniling ng nasabing grupo na palawigin hanggang Enero 2016 ang pagpaparehistro ng mga botante.

Ayon sa petitioners, ilegal ang itinakda ng Commission on Elections na deadline noong Oktubre 31.

Nabatid na higit isang taon ang ibinigay na palugit ng Comelec para sa mga botante para magparehistro at makuhaan ng kanilang biometrics data.

Ngunit halos tatlong milyong botante pa ang walang biometrics data.

Una nang nagpalabas ng Temporary Restraining Order (TRO) ang Korte Suprema laban sa “No Bio, No Boto” policy ng Comelec.