Mayor inambus sa munisipyo (Sa Cebu)

PATAY ang alkalde ng bayan ng Ronda sa probinsiya ng Cebu makaraan pagbabarilin ng hindi kilalang mga suspek sa loob mismo ng munisipyo, nitong Miyerkoles.

Hindi umabot nang buhay sa ospital ang biktimang si Mayor Mariano Blanco III, makaraan pagbabarilin dakong madaling-araw ng Miyerkoles, ayon sa hepe ng Ronda Police Station na si S/Insp. Junior Falcon.

Ayon sa ulat, pasado 1:00 ng madaling-araw nang salakayin sa loob ng kaniyang opisina ang alkalde at doon pinagbabaril.

Si Blanco ang ika-16 elected official na pinatay sa ilalim ng administras-yon ni Pangulong Rodrigo Duterte.

Napag-alaman, tinanggalan ng awtoridad si Blanco sa pulisya noong 2017 dahil umano sa pagkakadawit niya sa ilegal na droga.