6-anyos kritikal sa mainit na tubig (Kaldero naupuan)

CAGAYAN DE ORO CITY – Dumanas ng first degree burn sa katawan ang isang batang lalaki makaraan mabuhusan ng mainit na tubig sa Brgy. San Juan, Balingasag, Misamis Oriental kamakalawa.

Kinilala ang biktimang si Henjie Alexi Garcia, 6, residente sa nasabing lugar.

Sinasabing naupuan bata ang kaldero na nilagyan ng mainit na tubig dahilan upang malapnos ang katawan ng biktima.

Patuloy pang ginagamot sa Northern Mindanao Medical Center ang biktima.