Ex-Bukidnon solon et al ipinaaaresto (Sa pork barrel scam)

HAWAK na ng pulisya ang warrant of arrest na inilabas ng Sandiganbayan laban kay dating Bukidnon Rep. Candido Pancrudo Jr.

Ito’y makaraan makitaan ng probable cause ang kasong graft at malversation laban sa dating kongresista kaugnay ng pagkakasangkot sa pork barrel fund scam.

Hindi na rin maaaring makalabas ng bansa si Pancrudo dahil sa hold departure order.

Bukod sa dating mambabatas, kasama rin sa warrant of arrest sina National Agribusiness Corp. (Nabcor) president Alan Javellana, director for administrative and finance Rhodora Mendoza, accounting division officer-in-charge Maria Ninez Guañizo, paralegal Victor Roman Cacal, at Uswag Pilipinas Foundation Inc. (UPFI) president Mark Espinosa.