Climate change responsibilidad ng lahat

BUNSOD ng kabiguan ng gobyerno na tugunan ng komprehensibong national policy ang hinggil sa posibleng  panganib na maaaring idulot ng climate change, ang mga rehiyon, lalawigan at munisipalidad ay dapat na ring kumilos para mapigilan ang destructive phenomenon, ayon kay Gonzalo Catan, Jr., inventor/businessman, executive vice president ng Mapecon Green Charcoal Philippines.

Kailangan nang kumilos, ayon kay Catan, upang mapahupa ang climate change ng mga hakbang na magtutuon sa pagpapabawas ng carbon monoxide sa atmopshere. Ang carbon emission ang itinuturong dahilan ng polusyon sa hangin.

“We just witnessed the massive destruction by Yolanda, the off-season typhoon, that hit the province of Leyte. Then there was the flooding in Davao and the 7.2 earthquake that destroyed the scenic tourist spots in Bohol,” aniya.

Ang tanong aniya, “how prepared are we if occurences of this magnitude come again.” Ang problema ay responsibilidad ng lahat at hindi nararapat na ipaubaya na lamang sa gobyerno. Ang mga rehiyon at local government units (LGUs) ay dapat na magbuo ng mga hakbang, pagdidiin ni Catan, na mag-aatas para sa exhaust-clean vehicles at energy-efficient factory buildings.

Gayonman, sinabi ni Catan, hindi sapat na magbuo lamang ng mga polisiya. Ang dapat aniya ay mahigpit itong maipatupad.