Gun ban violators umakyat na sa 1,561 – PNP

PUMALO na sa 1,561 ang naitala ng pambansang pulisya na lumabag sa ipinatutupad na Comelec gun ban simula nang mag- umpisa ang election period noong Enero 10.

Sa report na inilabas ng PNP, hanggang 8 a.m. nitong Linggo, nasa 1,501 sibilyan ang naaresto dahil sa paglabag sa gun ban.

Habang 15 dito ay government officials, 11 pulis, anim sundalo, 20 security guards, isang fireman, dalawang miyembro ng Citizens Armed Force Geographical Units, at limang miyembro ng iba pang law enforcement agencies.

Nasa 1,173 firearms at 14,818 deadly weapons ang nakompiska ng pulisya sa isinagawang checkpoints.

Tiniyak ng PNP na lalo pa nilang palalakasin ang kanilang checkpoints at paiigtingin ang kanilang kampanya laban sa loose firearms habang papalapit ang May election.