Bigtime pusher patay, 11 arestado sa drug den  sa CSJDM, Bulacan

PATAY ang isang hinihinalang drug pusher habang 11 kasamahan niya ang naaresto sa pagsalakay ng mga awtoridad sa isang drug den sa San Jose del Monte City, Bulacan kamakalawa ng madaling-araw.

Sa ulat na nakalap sa tanggapan ni Senior Supt. Ferdinand Divina, police director sa Bulacan, kinilala ang napatay na si Abdul Minalang, 33, tubong Lanao del Norte, naninirahan sa Brgy. Sta. Cruz 1 sa naturang siyudad. 

Napag-alaman, si Minalang ay napatay nang makipagbarilan sa mga pulis na tangkang umaresto sa kanya.

Kinilala ang dalawa sa 11 kataong naaresto sa pagsalakay, na sina Alfredo Borja at Nelson Estuaria, pawang kabilang sa ‘target list’ ng pulisya.