Paslit dinukot sa Laguna mall

DINUKOT ng hindi nakilalang babae ang 2-anyos paslit sa loob ng isang mall sa Sta. Rosa, Laguna kamakalawa.

Ayon sa report ng pulisya, naglalaro ang bata sa amusement park ng mall habang ang ina ay nakaupo sa isang ‘di kalayuang bench ngunit hindi na niya nakita ang paslit.

Batay sa CCTV footage, nakita ang biktima habang bitbit ng isang teenager na babaeng nakasuot ng school uniform.

Iniimbestigahan na ng Laguna Police Provincial Office ang insidente.