Pinoys sa Saudi Arabia ligtas – Phil. Embassy

TINIYAK ng Philippine Embassy sa Saudi Arabia na ligtas ang overseas Filipino workers (OFWs) sa harap ng umiiral na tensiyon sa pagitan ng Saudi at Iran.

Ayon kay Philippine Ambassador to Riyadh Ezzedin Tago, nananatiling normal ang situwasyon sa Saudi at ligtas ang mga kababayang Filipino.

Kahit sa katabing mga lugar ng Riyadh ay nagmo-monitor aniya ang embahada ngunit wala silang natanggap na ulat ng ano mang kaguluhan.

Nabatid na sumiklab ang iringan ng Saudi at Iran, ang mga bansa na tinatayang nasa dalawang milyong Filipino ang nagtatrabaho at naninirahan.