Piyansa ni Palparan ibinasura ng korte

IBINASURA ng Malolos Regional Trial Court kamakalawa ang hirit ni retired Army General Jovito Palparan na makapagpiyansa para sa kasong illegal detention at kidnapping.

Si Palparan ang itinuturong nasa likod ng pagkawala ng dalawang estudyante ng University of the Philippines na sina Karen Empeño at Sheryln Cadapan noong 2006.

Dinukot sina Empeño at Cadapan ng mga sundalo sa isang farmhouse sa Hagonoy, Bulacan.

Sinabi ng korte, malakas ang ebidensiya laban kay Palparan kaya hindi mapagbigyan ang kahi-lingan na makapagpiyansa ang akusado.

“He exercises direct authority, full control and responsibility of command over all uniformed men and civilian personnel stationed at the 7th Infantry Division,” pahayag ng korte.

Nitong Hulyo lamang ay isinakdal din ng Office of the Ombudsman si Palparan at walo pa dahil sa pagkawala ng da-lawang magsasaka sa Bulacan din noong 2006.