Chief nurse ng ospital pinatay sa quarter (Sa Agusan del Norte)

BUTUAN CITY – Patuloy pang inimbestigahan ng pulisya sa Cabadbaran City sakop sa Agusan del Norte, ang brutal na pagpatay sa chief nurse ng Cabadbaran District Hospital na natagpuang wala nang buhay kahapon ng umaga.

Ang biktimang si Ma. Paz Eracion, 58-anyos, may asawa, ay natagpuang may mga saksak sa iba’t ibang parte ng katawan.

Ayon kay SPO1 Jaslen Palen, natagpuan ng kanyang katulong ang bangkay ng biktima sa loob mismo ng kanyang quarter sa emergency hospital dakong 5 a.m. kahapon.

Ipapa-awtopsiya ng mga kaanak ng biktima ang bangkay  upang makatulong sa imbestigasyon ng pulisya lalo na sa pagtumbok sa mga responsable sa krimen.