Preso naglaslas ng pulso sa selda

ISINUGOD sa ospital ang isang notoryus na drug pusher nang maglaslas ng pulso sa loob ng selda ng San Simon Police Station makaraang madakip sa buy-bust operation sa Brgy. Sta. Monica, San Simon, Pampanga, kamakalawa.

Kinilala ang biktimang si Anthony Palad, 38, ng Brgy. Sta. Monica, San Simon ng nabanggit na lalawigan.

Ayon kay PO2 Romeo Abat, nagtangkang magpakamatay si Palad sa pamamagitan ng paglaslas ng kanyang pulso gamit ang basag na bote.

Si Palad ay nadakip sa inilatag na buy-bust operation kamakalawa ng gabi sa McArthur Highway, Brgy. Sta Monica, San Simon, Pampanga.

Leonila Arevalo